အမျိုးသမီး မျိုးဥကြွေမယ့်ရက် တွက်ချက်ခြင်း

သားဥကြွေခြင်းဆိုတာ ရာသီစက်ဝန်းအတွင်းမှာ သားဥအိမ်ကနေ သားဥကြွေပြီး သားဥပြွန်ကို ရွေ့သွားတာပဲ ဖြစ်ပါတယ်။ အဲ့ဒီ သားဥပြွန်မှာ မျိုးဥလေးက မျိုးအောင်ဖို့အတွက် စောင့်နေပြီး မျိုးမအောင်ဘူးဆိုရင်တော့ မျိုးဥလေးလည်း ပျက်စီး၊ သားအိမ်နံရံလည်း ကွာကျပြီး ရာသီသွေးအနေနဲ့ ဆင်းလာပါတယ်။

ရာသီစက်ဝန်းတွေ၊ မျိုးအောင်နိုင်တဲ့ရက်တွေ၊ သားဥကြွေတဲ့ရက်တွေက တစ်လနဲ့ တစ်လ ကွဲပြားနိုင်ပေမယ့် သားဥကြွေခါနီးရင် ခံစားရတဲ့ လက္ခဏာတွေကတော့ အတူတူပဲ ဖြစ်ပါတယ်။ သားဥကြွေခါနီးရင်

−အရောင်ကြည်ပြီး ပျစ်တဲ့ အဖြူတွေ ဆင်းတာ

−ခန္ဓာကိုယ်အပူချိန် အနည်းငယ်တက်တာ

−ရင်သားတွေ တင်းပြီးနာတာ

−ဝမ်းဗိုက်အောက်ပိုင်း တစ်ဖက်တစ်ချက်က အောင့်တာ

−လိင်စိတ်အပြောင်းအလဲ ဖြစ်ပေါ်ခြင်း များဖြစ်ပါတယ်။

ရာသီမလာခင်  (၁၀) ရက်ကနေ (၁၆) ရက်ကြားမှာ ဒီလိုခံစားရရင် ဒါသားဥကြွေတာ ဖြစ်ဖို့များပါတယ်။

ယခုတွက်ချက်မှုသည် အတိအကျတွက်ချက်ပေးတာမျိုး မဟုတ်ပါ။ ဒီတွက်ချက်မှုတွေဟာ ပျှမ်းမျှတွေအပေါ်မူတည်ပြီး ခန့်မှန်းတွက်ချက်ထားတာ ဖြစ်ပါတယ်။