ဓမ္မတာရာသီသွေး အရောင်အမျိုးမျိုး

ဓမ္မတာရာသီ သွေး အရောင် ဟာ သွေးဆင်း တာ နဲတာများတာပေါ်ကိုမူတည်ပြီး ပန်းရောင် အနီရဲရဲ အညို ရင့်ရင့် ကနေ အမဲရောင် စသဖြင့် အမျိုးမျိုးဖြစ်နိုင်ပါတယ်။

ရာသီသွေးအရောင်မဲခြင်းဟာ သားအိမ်ထဲမှာ အဲ့ဒီးသွေးဟာ ကြာကြာရှိနေပြီး အောက်ဆီဂျင်နဲ့ ဓါတ်ပြုခြင်းကြောင့် သွေးအရောင် အနီကနေ အညို- အနီပုပ်- အမဲရောင် စသဖြင့်ဖြစ်လာခြင်းဖြစ်ပါတယ်။

ရာသီ လာချိန်တစ်ခုထဲမှာကို အမျိုးမျိုးဖြစ်နိုင်သလို တလနဲ့ တလ ရာသီလာချိန်တွေမှာလဲ အမျိုးမျိုး ပြောင်းလဲနေတတ်ပါတယ်။

ဟော်မုန်းအပြောင်းအလဲများ၊ စားသောက်နေထိုင်မှုပုံစံ၊ အသက်အရွယ်၊ ပြင်ပပတ်ဝန်းကျင် စတာတွေပေါ်မူတည်ပြီးပြောင်းလဲနိုင်ပါတယ်။

သတိထားရမှာကတော့ မျိုးပွားလမ်းကြောင်းပိုးဝင်ခြင်း၊ သားအိမ်ခေါင်းကင်ဆာ ရောဂါ စတဲ့ရောဂါတွေမှာ သွေးဆင်းတဲ့ အရောင် ပြောင်းလဲတာ ၊ ပုံမှန်မဟုတ်တဲ့သွေးဆင်းတာတွေ ဖြစ်လေ့ရှိပါတယ်။

ဒါကြောင့် ပုံမှန်မဟုတ်ပဲ သွေးဆင်းရက်ကြာနေတာ များတာမျိုးရှိရင် ဆေးခန်းပြဖို့လိုပါတယ်။

ပုံမှန်ရာသီသွေးမှာ သားအိမ်ရဲ့ အပေါ်ယံလွှာလေးတွေကြွေပြီး သွေးခဲအနေနဲ့ ဆင်းနိင်ပါတယ်။ ဒီလိုဆင်းတာမျိုးက စိတ်ပူစရာ မရှိပါဘူး။

ဗဟိုရောဂါထိန်းချုပ်ဌာန ရဲ့ အဆိုအရ သွေးဆင်းရက် ၇ ရက်ထက်ပိုများတာ (သို့) သာမာန်သွေးဆင်းတာထက် အလွန်များတာ၊ သွေးခဲ ကြီးကြီးတွေပါတာ ဆို ရင် သွေးဆင်းများတယ်လို့ဆိုလိုတာဖြစ်ပါတယ်။

• သွေးဆင်းများတာကြောင့် လစဉ်သုံး အမျိုးသမီး ပစ္စည်းဖြစ်တဲ့ ဂွမ်းထုပ် (သို့) မိန်းမကိုယ်ထဲ့ ဂွမ်းချောင်း တွေကို ၂နာရီခြားတစ်ခါ လဲပေးနေရပြီဆိုရင်

• သွေးခဲ ကြီးကြီးတွေဆင်းတာမျိုးဆိုရင် ဆေးခန်းပြဖို့ တိုက်တွန်းထားပါတယ်။

• သားအိမ်ထဲတွင်အလုံးအကျိတ်များဖြစ်ခြင်း
• ဟော်မုန်းမညီမျှခြင်း
• တင်ပဆုံတွင်းရှိကိုယ်တွင်းအင်္ဂါများရောင်ရမ်းခြင်း
• သားအိမ်တွင်းထဲ့ သန္ဓေတားပစ္စည်း
• သွေးရောဂါများ
• သွေးပျော်ဆေးများသောက်နေရခြင်း
• သားအိမ်ကင်ဆာ (သို့) သားအိမ်ခေါင်းကင်ဆာရောဂါများ စတာတွေကြောင့် ဖြစ်နိုင်ပါတယ်။

သွေးဆင်းတာကို မကုသပဲထားရင် သွေးအားနည်းပြီး မောပန်းပင်ပန်းလွယ်တာမျိုး ဖြစ်ပါတယ်။

ဒါကြောင့်

• ပုံမှန်မဟုတ်တဲ့သွေးဆင်းတာတွေရှိနေမယ်ဆိုရင်
• တစ်လနဲ့ တစ်လ ရာသီလာရက် မမှန်တာ ရက်ရှည်တာ သွေးဆင်းအပြောင်းအလဲ ဆက်တိုက်ဖြစ်နေမယ်ဆိုရင်
• သွေးဆုံးပြီးမှ သွေးပြန်ဆင်းတာရှိတယ်ဆိုရင်
• ရာသီထိန်တာရှိရင်
• မိန်းမကိုယ် အနံ့နံတာမျိုးရှိလာပြီဆိုရင်
• မိန်းမကိုယ် ယားတာမျိုးရှိရင်
• ဖျားရင် ဆေးခန်းပြဖို့ အရေးကြီးပါတယ်။